Appunti

HOT-SUN!
31/05/82

Ohimmena, ce cautu face addra fore
e lu sule me ducisce lu core.
Puru ci me sculanu li suturi
me passanu tutti li duluri.

Ohimmena! Ce cautu face!
Ohimmena! Pare na brace!

E ce bete ce cautu ca face dra fore
Ci stai fiaccu lu sule te ducisce lu core!

Ohimmena, cu stu cautu te pare estate
e lu mare te giusta le sciurnate.
Le serate su beddre frische, frishe
te futti te l’ertu cerase e pische!

Ohimmena! Ce cautu face!
Ohimmena! Pare na brace!

E ce bete cu stu cautu te pare estate
Ci stai fiaccu, lu mare te giusta le sciurnate.

—
Dialetto leccese.